അംഗ രാജ്യത്തെ ഭീഷഗുരന്മാർ.
അപ്പൊ കഥ കടക്കുന്നത് ഒരു ആതുരാലയ ത്തിൽ ആണ്. ആളെ തൂക്കിപ്പിടിച്ചിരിക്കുകയാണ്. ഭീഷ ഗുര കഴിവിൻ്റെ പരമാവതി ശ്രമിച്ചു, ആൾ മിണ്ടുന്നില്ല. അപ്പോളേക്കും ശ്വാസ കോശത്തിൽ വരെ വെള്ളം.കേറിയിരുന്നു. ആ ധീര വനിത കുഴൽ ഇട്ടു വെള്ളം എല്ലാം വലിച്ചെടുത്തു. അങ്ങനെ ആണ് ഞാൻ ഈ ഭൂലോകത്തേക്ക് കരഞ്ഞ് കൊണ്ട് പ്രവേശിക്കുന്നത്. പറഞ്ഞു കേട്ട കഥയാണ്.
ഒരു പാട് ഭീഷഗുരന്മാർ ഒക്കെ ചേർന്നു അല്ലെ നമ്മളെയും നമ്മുടെ വേണ്ടപ്പെട്ടവരെയും ഒക്കെ ജീവിതത്തിലേക്ക് തിരിച്ച് കൊണ്ട് വരുന്നത്.
മോന് ഇത് പോലെ കടുത്ത ജലദോഷം, പനി ചുമ മാറുന്നില്ല..നമ്മുടെ അടുത്ത വീട്ടിലെ ആ മഹാ ഭീഷഗുരൻ അത് എന്ത് ആണെന്ന് കണ്ട് പിടിച്ചു. കുറച്ച് ദിവസങ്ങൾ കൊണ്ട് അത് മാറ്റി എടുത്തു. തീ തിന്ന ദിവസങ്ങൾ.ആയിരുന്നു.
ഇതുപോലെ സഹ ധർമ്മിണിയുടെ ലാസിക് ചെയ്തിരുന്നു. ഒരു മലയാളി ഭീഷ ഗുര. അവർ പറഞ്ഞു ഒന്നും.പേടിക്കേണ്ട. ഞങൾ ചെന്നപ്പോൾ യുവാക്കളുടെ ഒരു ഘോഷ യാത്ര ഓപ്പറേഷൻ തിയേറ്ററിൽ..പുറത്ത് നിന്ന് കാണാം..ഒരു ഒളി മറയും ഒന്നും.ഇല്ല. 5 മിനുട്ടിൽ ആണ് ആ വിദഗ്ധ എല്ലാവരെയും വെളിച്ചത്തിൻ്റെ ലോകത്തേക്ക് കൊണ്ട് വന്നിരുന്നത്. ദൈവം അവർ തന്നെ എന്ന് എനിക്ക് തോന്നിയിരുന്നു ഇപ്പൊ റോബോട്ട് കൾ ഏറ്റെടുത്ത ജോലി അവർ 100% വ്യക്തതയോടെ സ്വന്തം ആയി ചെയ്തിരുന്നു.
എൻ്റെ അമ്മായി അമ്മ ഇത് പോലെ. പറയാറുണ്ട്, തീ പൊള്ളിയാൽ ഊതി
തീ പൊള്ളൽ മാറ്റുന്ന ഒരു ഭിഷ ഗ്വരനെ പറ്റി.
കുറച്ച് നാളുകൾക്ക് മുൻപ് ഇത് പോലെ ഒരു തലവേദന വന്നു..കല്യാണം കഴിഞ്ഞ് സമയം. മാറുന്നില്ല. ഒരു ആഴ്ച കഴിഞ്ഞു
2 ആഴ്ച ആയി..ആതുരാലയ ത്തിൽ പോയി. MRI ചെയ്യണം. എൻ്റെ ഉള്ളൂ ഒന്നു പിടച്ചു. ദൈവമേ തട്ടി പോകാറായി അപ്പൊ. ആശ്വസിപ്പിക്കാൻ നോക്കി , പാവം സഹ ധർമിണി കരച്ചിൽ ആയി..ഒരു 30 മിനിറ്റ് MRI യന്ത്രം കറങ്ങിക്കൊണ്ടേ ഇരുന്നു..ചെവിയിൽ കടന്നൽ മൂളുന്ന ഒച്ച ആണ് അതിന്.
പരിശോധനയ്ക്ക് ശേഷം അദ്ധേഹം 2-3 ദിവസത്തേക്ക് മരുന്നു തന്നു.കുഴപ്പം ഒന്നും ഇല്ല..മാറും എന്ന് പറഞ്ഞു. ദാ ഇപ്പോളും ജീവിക്കുന്നു. മറ്റൊരു ദൈവം.
ഇത് പോലെ ചെറുപ്പത്തിൽ ഒരു കല്ലിൽ തല ഇടിച്ചു വീണിരുന്നു. 24 മണിക്കൂർ ബോധം ഇല്ലായിരുന്നു. വീട്ടുകാർ പറഞ്ഞത് ദൈവം രക്ഷിച്ചു..പക്ഷേ അത് ദൈവം ഒരു ഭീഷഗുരൻ തന്നെ ആയിരുന്നു.
ഇന്നും ഒരു പാട് ഭീഷഗുരന്മാർ ചുറ്റും.ഉണ്ട്..കൂട്ടുകാർ ആയും വീട്ടുകാർ ആയും. അതിൻ്റെ ബലത്തിൽ പിടിച്ചു നിൽക്കുന്നു.
നിങ്ങളുടെ ഭീഷഗുര അനുഭവങ്ങൾ കമൻ്റ് ആയി രേഖപ്പെടുത്തു.
ശുഭ ദിനം.
Comments
Post a Comment